SUMABOG ANG SASAKYAN? 2 patay at anim ang sugatan sa karambola ng tatlong sasakyan sa South Cotabato

Dalawa ang nasawi habang anim ang sugatan sa karambola ng tatlong sasakyan sa Purok Boundary, Brgy. Magon, sa Tantangan, South Cotabato pasado alas-11 ng umaga nitong Biyernes, Oct. 24.

Ayon sa mga awtoridad, binabaybay ng isang kotse ang national highway mula Tacurong patungong Koronadal nang bigla umano itong pumreno matapos mapansin ang motorsiklong nasa unahan nito. Dahilan para mawalan ng kontrol ang sasakyan at sumalpok sa kasalubong na motorsiklo bago bumangga sa isa pang sasakyan.