SINAKSAK NG BALIW? Lalaki, patay sa saksak sa loob ng bus ng kapuwa pasahero na hinihinalang may problema sa pag-iisip

Nasawi ang isang 51-anyos na lalaki matapos siyang pagsasaksakin ng kapuwa niya pasahero sa loob ng sinasakyan nilang bus sa Talavera, Nueva Ecija. Ang suspek, hinihinalang may problema sa pag-iisip.

Ayon sa pulisya, nakatigil ang bus sa Barangay Pinagpanaan sa Talavera nang wala umanong dahilan na biglang inundayan ng saksak ng suspek ang biktima, na tubong-Maynila.