PINAGSASAKSAK? Babaeng guro, patay sa pananaksak ng asawa dahil sa selos umano; krimen, nasaksihan ng anak

Isang 34-anyos na babaeng elementary school teacher ang nasawi matapos pagsasaksakin ng kaniyang mister dahil umano sa selos sa Rodriguez, Rizal. Ang krimen, nasaksihan pa ng 10-anyos nilang anak.

“Nagkaroon sila ng pagtatalo ng umagang umaga kung saan ay humantong na 'yung biktima ay tinapunan ng kape at inundayan, kumuha ng kutsilyo at inundayan ng saksak,” sabi ni Police Lieutenant Colonel Paul Sabulao, Chief ng Rodriguez, Rizal Police.