HARAPANG BINARIL SA ULO? 74-anyos na babae, binaril at pinatay sa Baliuag, Bulacan

Nahuli-cam sa Baliuag, Bulacan ang ginawang pagbaril at pagpatay ng isang lalaki sa 74-anyos na babae.

Makikita sa CCTV footage ang pagdating ang salarin na nakatakip ang mukha at may sumbrero.

Nagkunwari din ang suspek na tumingin sa mga paninda sa tindahan. Nang makita na ang kaniyang target, naglabas na ito ng baril at pinaputukan ang biktima, at nasawi.

Kaagad na umalis ang suspek matapos na matumba ang biktima.

Iniimbestigahan pa ng mga awtoridad ang krimen, habang blangko naman ang pamilya sa posibleng motibo sa pagpatay sa kanilang kaanak.