PUMASOK SA ILALIM NG TRUCK? Mag-asawa at 8-anyos nilang anak, nasawi sa banggaan ng truck at bus sa Pangasinan

Nasawi ang isang truck driver, pati ang kaniyang asawa at walong-taong-gulang na anak nang bumangga ang kanilang sasakyan sa nakasalubong na bus sa Calasiao, Pangasinan. Himala namang nakaligtas ang isa pa nilang anak na tatlong-taong-gulang.

Sa kuha ng CCTV camera, makikita ang truck na sinasakyan ng mag-anak na nag-overtake sa sinusundang tricycle hanggang sa mapunta sila sa kabilang linya ng highway.