TINADTAD NG BALA? 2 lalaki na sakay sa motorsiklo, patay matapos pagbabarilin sa Bukidnon

Patay ang dalawa lalaki na nakasakay sa isang motorsiklo matapos silang pagbabarilin sa Barangay Vintar sa Valencia City, Bukidnon nitong Miyerkoles.

Ayon sa pulisya, patungo sa bayan ng San Fernando ang dalawa nang pagbabarilin sila ng salarin sa gilid ng daan.

Ilang basyo ng bala mula sa caliber .45 na baril ang nakita ng mga awtoridad sa pinangyarihan ng krimen.