NA HIT AND RUN? Nawawalang OFW binangga at natagpuang patay na sa Saudi Arabia

Isang OFW ang natagpuang patay matapos maiulat na nawawala sa Riyadh, Saudi Arabia.

"Na-hit-and-run siya ng kotse. And that caused fatal injuries... 'Yung reported incident is June 11," sabi ni Overseas Workers Welfare Administration administrator Patricia Yvonne Caunan.

Nangyari ang hit-and-run nu'ng 12:31 ng hapon sa King Salman Eastbound Road.

Nakilala na aniya ang sasakyan na sangkot, kasama na ang plaka at nagmamaneho nito.

May abogado ang OWWA sa Riyadh upang tutukan ang kaso. Susubukan ran nitong makakuha ng CCTV video ng insidente.

"Hustisya lang po. 'Yan lang po yung panawagan namin. Hindi po ito pwedeng maging kwento lang na walang hustisya," sabi ni Mhaie Aggong, pinsan ng biktima.