INARESTO AT TINANGGAL? ‘Viral cop’ na si Francis Fontillas, arestado dahil sa kasong inciting to sedition

Pulis na nag-viral sa social media matapos batikusin ang gobyerno, at kuwestyunin ang pag-aresto kay dating Pang. Rodrigo Duterte, inaresto ng Quezon City Police District (QCPD) dahil sa kasong inciting to sedition na may kaugnayan sa Cybercrime Prevention Act. | via @glenjuego pic.twitter.com/bzjChZ3RAn

— DZBB Super Radyo (@dzbb) June 17, 2025

Inaresto ng National Capital Region Police Office (NCRPO) ang 'viral cop' na si Francis Fontillas sa kasong inciting to sedition, dahil sa mga mabibigat na salitang kaniyang binitawan sa gobyerno sa kaniyang vlog tungkol sa pagkakadakip ni dating Pangulong Rodrigo Duterte. 

Ayon sa spot report mula sa NCRPO, nahuli si Fontillas dakong 4 p.m. sa kahabaan ng Commonwealth, Quezon City nitong Lunes sa pamamagitan ng warrant of arrest na inisyu ng Quezon City Regional Trial Court (RTC) Branch 224.

“The case is already in court… Wala na po sa PNP (It is no longer with the Philippine National Police),” sabi ni NCRPO spokesperson Police Major Hazel Asilo.

Itinakda sa P36,000 ang piyansa ni Fontillas.